Inaugurohet në Fier zyra rajonale e Avokatit të Popullit.

Kryetari i Bashkisë Fier, Baftjar Zeqaj , ashtu sic kishte premtuar, siguroi një ambient për Avokatin e Popullit. Ky i fundit gjatë takimit me kryetarin e Bashkisë së Fierit nënshkroi edhe marrëveshjen për zyrën rajonale, e cila ndodhet në ambientet e bashkisë. Zyra rajonale është pjesë e strategjisë së Avokatit të Popullit dhe e filozofisë së Avokatit të Popullit si një avokat proaktiv. Kryebashkiaku i Fierit deklaroi se cdo filozofi që vjen në shërbim të qytetarëve do të gjej mbështetjen e tij dhe të Bashkisë që ai drejton. Kjo zyrë rajonale do të shërbejë si: zyrë për pritjen, orientimin dhe këshillimin e popullit, për mbledhjen e ankesave të qytetarëve, mediacion mes Avokatit të Popullit dhe Bashkisë së Fierit, monitorim të shërbimeve sociale etj. Avokati i Popullit u takua gjatë kësaj vizite dhe me përfaqësues të organizatave të shoqërisë civile dhe priti një numër të madh qytetarësh, të cilët depozituan ankesa pranë ekspertëve të Avokatit të Popullit.