“ARKEOS”, FINANCIM I KOMUNITETIT EUROPIAN DHE JO I BASHKISE FIER

Duke marrë shkas nga deklarata të lëshuara nga institucione dhe parti politike në lidhje me abuzimin me fondet publike, se gjoja ato janë keqpërdorur me projekte kulturore, ndër to ARKEOS, Bashkia Fier informon gjithë komunitetin fierak e me gjerë se:

ARKEOS është projekt i financuar tërësisht nga fonde të Komunitetit Europian. N

e jemi krenar që ky projekt zgjodhi si alternativë vetëm Bashkinë e Fierit, duke e vlerësuar qytetin tonë si kryeqendër të kulturës.

Le të vijë dikush e të thotë që gjatë vitit 2012 ky projekt mori qoftë edhe një lek nga Bashkia Fier, kur, kësaj bashkie, Ministria e Financave i ka bllokuar prej kohësh gjithë buxhetin, duke e paralizuar gjithë aktivitetin financiar të saj.

Nuk është dinjitoze për asnjë institucion apo parti politike, mungesa e informacionit për një projekt kaq madhor që erdhi në Fier si sponsorizim i Komunitetit Europian, I cili për më shumë se një muaj solli në Apoloni qindra artistë nga e gjithë bota.

Tërhiqen ujërat e lumit Gjanica, nis puna për verifikimin e dëmeve

Një ditë pas përmbytjeve nga lumi Gjanica specialistët e grupit të emergjencave pranë Bashkisë Fier kanë nisur të evidentojnë të gjitha banesat e përmbytura si dhe kanë nisur të bëjnë verifikimin e dëmeve.
Sic sqaron shefi i emergjencave pranë Bashkisë Fier, Edmond Levanaj, situata sot paraqitet e qetë, por sepcialistët po vijojnë punën për pastrimin e mbetjeve të përmbytjes si dhe për verifikimin e familjeve dhe bizneseve të prekura.

“Janë afërsisht 50 banesa e njësi tregtare të prekura. Ne po vijojmë punën në terren duke parë cdo familje të prekur. Do të vijojmë me këtë procedura deri në përfundimin e të gjitha rasteve të prekura. Ndërkohë aty ku duhet kemi ndërhyrë me mjetet për pastrimin e rrugëve apo hapësira pranë banesave. Fakti që këto ndërtime janë informale na e ka bërë më të vështirë punën pasi disa ajnë të ngritura në shtratin e lumit. Megjithatë ne do të vijojmë të jemi pranë banorëve për kërkesat që ata mund të kenë”, -ka vijuar ndër të tjera Levanaj.

Lumi Gjanicë prej vitesh është bërë një shqetësim qytetar dhe institucional, por ndërsa janë tashmë gati studimet për rehabilitimin e gjithë shtratit të lumit, mungojnë fondet për të nisur puna konkrete.

Vetëm një ditë më parë përfaqësues të Bashkisë Fier deklaruan se bashkia ka në dorë dy studime të rëndësishme, të cilat kanë të bëjnë me sistemimin dhe pastrimin e lumit Gjanica, ndërsa u shprehën se fondet që kërkohen për ta rehabilituar këtë lum, shkojnë më tej se sa mundësitë që ka një bashki. Vetëm sistemimi i lumit kërkon 35 milion euro, ndërsa 7 milion euro i kërkon vetëm pastrimi i shtratit të tij, pra shuma që bashkia nuk i përballon dot. Kjo e fundit deklaron se ka kërkuar nga qeveria shqiptare ndihmë për këtë investim, por si përgjigje kanë marrë vetëm heshtje.

Lumi Gjanica, peng i qeverise. Ne kemi gati studimet, por nuk mund të mbulojmë shumën prej 42 milion euro që kërkon rehabilitimi i tij.

Situata me prurjet e shumta të lumit Gjanicë ka bërë që gjatë orëve të natës një grup pune i udhëhequr nga kryetari i Bashkisë Fier, Baftjar Zeqaj të vihet në ndihmë të lagjeve të prekura. Bashkia Fier, bën me dije të gjithë opinionin publik se do të vazhdojë t

ë ndihmojë banorët e prekur nga përmbyjet, ndërsa edhe njëherë po ju kujtojëmë se për të parandaluar këto situata, kemi bërë një punë të vazhdueshme në hartimin e studimeve të mirëfillta. Prej disa kohësh Bashkia ka në dorë dy studime të rëndësishme, të cilat kanë të bëjnë me sistemimin dhe pastrimin e lumit Gjanica, një problem i të gjithëve tashmë. Por , po ashtu ju kujtojmë se fondet që kërkohen për ta rehabilituar këtë lum shkojnë më tej se sa mundësitë që ka një bashki. Vetëm sistemimi i lumit kërkon 35 milion euro, ndërsa 7 milion euro i kërkon vetëm pastrimi i shtratit të tij, pra shuma që bashkia pa qeverinë nuk i përballon dot. Kemi kërkuar nga qeveria shqiptare përherë që të na jap një ndihmë për sistemimin e Gjanicës, por ata asnjëherë nuk i kanë marrë parasysh kërkesat tona, duke e neglizhuar problemin si të parëndësishëm.

Në të njëjtën kohë, paralel me këtë, ne kemi ndërhyrë të gjejmë mundësi nga donatorë të huaj. E kemi bërë prezent problemin e Gjanicës edhe në Parlamentin Europian, ndërsa kemi kërkuar nga ambasadorja gjermane të na sigurojë një zgjidhje për lumin në fjalë.

Ne duam tu themi qytetarëve të prekur se do të vazhdojmë të qëndrojmë pranë tyre për cdo ndihmë që do të varet nga Bashkia Fier, ndërsa duam tu japim një përgjigje deklaratave spekullative që thonë se me fondet e Bashkisë është abuzuar. Asnjëherë Bashkia Fier nuk është penalizuar në kontrollet e ushtruara herë pas here, si nga Kontrolli i Kryeministrit, Kontrolli i Lartë i Shtetit dhe as nga Auditi i Prefekturës Fier.

Përballë situatës emergjente të lumit Gjanica, Bashkia Fier fton të gjithë faktorët politikë e shoqërorë të ofrojnë alternativat e tyre për rehabilitimin e Gjanicës, për të kërkuar sa më parë financimin e projektit të rehabilitimit të Gjanicës, qoftë pranë qeverisë apo edhe mekanizmave financiare ndërkombëtare. Kjo është ajo për të cilën qytetarët kanë nevojë, e jo për deklarata të pavlera për të përfituar politikisht!

Ja se cfarë ndodh me bursat e studentëve në Fier. Nga 48 bursa që ka kërkuar Bashkia Fier, DAR akordon vetëm 10.

Akordimi i cunguar i bursave për studentët e Fierit nga ana e Drejtorisë Arsimore Rajonale Fier ka sjellë reagimin e menjëhershëm të Drejtorisë Arsimore të Bashkisë Fier. Në një konferencë për shtyp, specialistja e kësaj drejtorie, Adriana Mile ka deklaruar se janë 48 studentë ata që

përfitojnë në mënyrë kategorike të trajtohen me bursë, pasi disa janë shpallur studentët më të mirë nga Matura Shtetërore si dhe një pjesë e tyre plotësojnë kriteret e përcaktuara në VKM.
“Ne i kemi bërë një kërkesë për shtesë bursash DAR,Fier si dhe ja kemi nisur për dijeni edhe kryeministrit Berisha. Në kërkesën tonë zyrtare bëhen të qarta të gjitha kategoritë që përfitojnë dhe duhet ët trajtohen në mënyrë kategorike me bursa, pasi; 28 studentë që vijnë nga familje me përkrahje sociale, 15 studentë të tjerë që kanë si burim të ardhurash pensione familjare dhe invaliditeti, 4 studentë janë çertifikuar nga MASH “Më të mirët e Maturës Shtetërore 2013”, 1 student është fëmijë i një prindi të rënë në krye të detyrës me statusin “Dëshmor i Atdheut”. Në këtë listim, nuk janë përfshirë aplikantët e tjerë, të cilët kanë të ardhura nga punësimi në sektorin privat apo dhe sektorin shtetëror, por që plotësojnë kushtet e përfitimit të bursës ose gjysmë bursës”, -ka vijuar Mile.

Sipas saj, në kushtet kur Bashkisë Fier i janë akorduar vetëm 10 bursa, Këshilli Bashkiak e ka të vështirë të bëjë një shpërndarje të drejtë e ligjore të bursave.
“Me qëllim mosdiskriminin e studentëve që kanë të drejtën e tyre për të përfituar bursë, kërkojmë një shtesë tjetër të arsyeshme bursash në një kohë sa më të shpejt duke qenë se afati përfundimtar i miratimit të bursave në Këshillin Bashkiak sipas VKM, është data 25 dhjetor”, - ka vijuar më tej Mile.

PER ATDHE E PER FLAMUR 100-vjetori i Pavarësisë, festë edhe në Fier

 
 Pas inaugurimit në mënyrë madhështore të globit-botë “Europa Plaza”, Bashkia e qytetit të Fierit kishte rezervuar një mori aktivitetesh me vlera kulturore, historike, e

që përçuan tek qytetarët jo vetëm emocion, por edhe krenarinë kombëtare.
Për ATDHE e për FLAMUR, do të ishte titulluar koncerti i madh në Teatrin “Bylis” në vigjilje të Festës së Madhe të Kombit shqiptar. I konceptuar si një simbolikë domethënëse koncerti solli me vete tinguj dhe zëra gjithëpërfshirës. Këngëtarë të njohur e më pak të njohur. Të rinj e reja, miq e të ftuar, nën shoqërinë e interpretimeve të aktorëve të Teatrit “Bylis” i dhanë kësaj dite të tjera dimensione, duke e klasifikuar si një nga ditët që do të gdhendet në memorien e shqiptarëve.
Po ashtu në këto ditë të “nxehta” festimesh do të mbetej e paharruar ardhja e mysafirëve nga Struga e Kosova , të cilët në një udhëtim të vetëm, na sollën figura me të cilat kombi ynë krenohet, si; Ismail Qemali, Skënderbeu e Adem Jashari. Do të ishet kryetari i Bashkisë Fier, Baftjar Zeqaj, ai që do t’i priste “delegatët” në qytetin myzeqar, qytet që edhe 100 vite më parë u bë pragu për të kaluar në Pavarësinë e Madhe.
Ritmi i festimeve do të ndalej edhe tek dokumentarët: Kryekënga e kombit, me një historik mbi himnin kombëtar, sjellë me mjeshtëri nga Petrit Ruka dhe Piro Milkani, për të vijuar me dokumentarin historik “Fieri dhe Pavarësia” që mbante autorësinë e Nuri Plakut dhe të Arben Velos. Këta dokumentarë, secili me të vecantën e vetë, rrëfyen të tjera detaje për qytetarët, gjë që plotësoi dekorin e njohurive të tyre mbi atë që është bërë ndër vite, për të fituar krenarinë tonë kombëtare, lirinë e pavarësinë tonë.
Bashkia Fier përvec anagzhimit të vlerave artistike e performancave më të mira të cdo shkolle, mbajti të ndezur edhe tingujt patriotik nëpërmjet Bandës Frymore të qytetit, vallen myzeqare nëpërmjet Ansamblit “Myzeqeja”, apo edhe këngët e cdo treve nëpërmjet grupit polifonik “Bashkimi i trevave”.

Ngritja e flamurit në mënyre simbolike pranë bustit të Tonc Kilicës do të bëhej në orën 09.00 nga kryebashkiaku, ku do të merrnin pjesë qindra qytetarë fierakë si dhe përfaqësues ët organizmave të ndryshme.

Por në këtë atmosferë nuk kishte se si të mbetej jashtë vëmendjes edhe data 29 nëntor, 68-vjetori i çlirimit të vendit nga pushtuesit nazifashistë. Në këtë ditë të shënuar u bënë homazhe në varrezat e dëshmorëve, në nderim të të rënëve për atdhe. Festimet e nisura qysh më datën 01 nëntor, do të përmbylleshin me operën e Rossinit “Berberi i Seviljes”, që u dha në Teatrin “Bylis” mbrëmjen e 29 nëntorit.


Duke nisur që nga data 01.11.2012 qyteti i Fierit do të fitonte zhurmën e një qyteti që di t’u dedikohet festave. Cdo ditë , përvec ngjyrave kuq e zi, simboleve kombëtare e flamujve në dekor, nuk do të mungonte edhe ritmi festiv me tingujt e zërave rinor, vogëlushëve të kopshtit apo edhe këngëtarëve të tjerë, të cilët festuan të gjithë së bashku për të gëzuar në këtë 100- vjetor të Pavarësisë.

100- vjetori i Pavarësisë, festë madhështore në qytetin e Fierit. Inaugurohet vepra kushtuar aspiratës avropiane “Europa Plaza”

Fieri në festë. Inaugurimi i “Europa Plaza” ka zbritur në qytetin e Fierit ambasadorin e Bashkimit Europian në tiranë Ettore Sequi, ambasadorin e OSBE Eugen Wollfarth, ambasadorin austriak të akredituar në vendin tonë, Florian Raunig, kryetarin e Partisë Socialiste, E

di Rama, eurodeputetin Jozef Weindenholzer, deputetë të PS për Qarkun Fier, kryetarët e bashkive Sarandë e Durrës e shumë personalitete të fushave të ndryshme si prof. Përparim Kabo etj. Ndërkohë që, sheshi përpara bustit të Tonc Kilicës ishte mbushur si rrallë ndonjëherë nga qytetarët fierakë.

Në një pritje të ngrohtë dhe miqësore, kryetari i Bashkisë së Fierit, Baftjar Zeqaj, i ka akomoduar fillimisht miqtë në mjediset e bashkisë, për t’u zhvendosur më pas në mjediset e sheshit, për të bërë edhe inaugurimin e veprës artistike “Europa Plaza”. Në praninë e qytetarëve të shumtë, ideatori dhe projektuesi i kësaj vepre, Fate Velaj ka bërë edhe hapjen e ceremonisë festive, duke falenderuar të pranishmit, ndërsa ka bërë edhe një rezyme të asaj që përfaqëson “Europa Plaza” për Fierin dhe për të gjithë Shqipërinë.
Më pas kreu i Bashkisë së Fierit, Baftjar Zeqaj, duke vlerësuar këtë vepër të vecantë ka falenderuar të gjithë ata që u bënë pjesë e kësaj ceremonie, një ndër më të rëndësishmet në këtë 100-vjetor të Pavarësisë. Zeqaj ka theksuar se tashmë Fieri është një urë bashkëpunimi me eurodeputë dhe me Europën.
Të pranishmit i kanë përshëndetur edhe ambasadorët Sequi, Rauning dhe Wollfath, duke theksuar se ky shesh nuk është vetëm simbol i Fierit, por një simbol i të gjithë shqiptarëve.

“Të jesh pjesë e Bashkimit Europian do të thotë të kesh një lidhje shpirtërore me të. Prandaj themi që Fieri ka të dokumentuar tashmë këtë lidhje të fuqishme”, -u shprehën ndër të tjera ambasadorët.

Kjo vepër është një dhuratë për qytetin e Fierit nga firma prestigjoze Alb-Star, e cila ka patur investimin dhe përkushtimin disa mujor edhe të presidentit të saj Sadik Ismailaj deri në përfundimin dhe vendosjen e saj .

“Kjo është një dhuratë që i bëhet sot qytetit të Fierit, e cili përherë e ka merituar të jetë pjesë e Bashkimit Europian, jo vetëm si gjeografi. Unë shpresoj dhe kam bindjen që kjo emblemë do të jetë një ogur i mirë për marrjen e statusit kandidat për në BE të Shqipërisë”,- ka vijuar midis të tjerash Ismailaj.

Kreu i Partisë Socialiste, Edi Rama, gjatë fjalës së tij veçoi punën e bërë për këtë projekt nga Fate Velaj, duke e cilësuar punën e këtij të fundit si një vepër realiste dhe kontemporane. Rama tha se Fieri dhe Europa janë dy fjalë që janë bashkuar shumë kohët e fundit, dhe kjo falë punës dhe përkushtimi të kryebashkiakut Baftjar Zeqaj. Kjo vepër, sipas tij, është simboli i Shqipërisë Europiane.

Fjalën e fundit në këtë ceremoni i mbajti deputeti Albert Çaçi. Ky i fundit theksoi se ky 100- vjetor e gjen Fierin, qytetin simbol të Myzeqesë, me pranë Europës dhe europianëve.

Kujtojmë se projekti “Europa Plaza” konsiston në idenë e kthimit të një sheshi qendror të qytetit në një shesh, kushtuar të ardhmes europiane të qytetit dhe në këtë kontekst të gjithë Shqipërisë. “Europa Plaza“ është konceptuar si një vepër monumentale arti, ku në qendër është një një botë-glob, 11 m e lartë dhe diametër 7 m në masiv hekuri.

Ambasadorët, konferencë me temë “EU- between me and you”.

Pas inagurimit të “Europa Plaza “ në sallën e Teatrit “Bylis” u zhvillua konferenca me temë: “EU- between me and you”. Ka qenë Fate Velaj, i cili ka drejtuar këtë konferencë. Fillimisht u shfaq edhe përshëndetja në videomesazh i Hanes Zvoboda, i cili për shkak të angazhimeve nuk mori pjesë në inaugurimin e “Europa Plazza”. Diskutimet m

e panelin e ambasadorëve Sequi, Wollfarth dhe Raunig, si dhe kryetarin e Bashkisë Fier Zeqaj, eurodeputetin Weindenholzer dhe prof. Përparim Kabo u vërtitën mbi të ardhmen e vendit tonë në Evropë, problemet, cështjet e ndryshme politike e sociale që e pengojnë Shqipërinë etj. Në këtë konferencë pati bashkëbisedime me shumë qytetarë të Fierit, të cilët bënë pyetje për të pranishmit.

MBLIDHET KESHILLI I BASHKISE, NDEROHEN EMRAT E PATRIOTEVE E FIRMETAREVE TE PAVARESISE.

Në kuadër të 100- vjetorit të Pavarësisë, Këshilli i Bashkisë Fier ka vendosur të nderojë me titullin “Nderi i Qytetit” , disa emra të njohur, patriotë, kontributorë dhe firmëtarë të Pavarësisë.
Kështu, këshilltarët kanë miratuar t’i japin Jani Mingës, titullin “ Qytetar Nderi” i qytetit të Fierit, me motivac

ionin: “Figurë përfaqësuese, intelektual dhe personalitet i spikatur për veprimtari atdhetare e patriotike, firmëtar i aktit të shpalljes së Pavarësisë”.

Sami Omer Vrioni merr titullin “ Qytetar Nderi” i qytetit të Fierit, me motivacionin: “Figurë përfaqësuese, intelektual dhe personalitet i spikatur për veprimtari atdhetare e patriotike, delegat i Fierit në Kuvendin e Vlorës. Kryetari i parë i Bashkisë Fier”.

Hajredin Kahreman Cakrani merr titullin “ Qytetar Nderi” i qytetit të Fierit, me motivacionin: “Figurë përfaqësuese, intelektual dhe personalitet i spikatur për veprimtari atdhetare e patriotike, firmëtar i aktit të shpalljes së Pavarësisë.

Kristo Frashëri merr titullin “ Qytetar Nderi” i qytetit të Fierit, me motivacionin: “Figurë përfaqësuese, intelektual dhe personalitet i spikatur, historian dhe dijetar.

Spiro Papa merr titullin “ Qytetar Nderi” i qytetit të Fierit, me motivacionin: “Si figurë qendrore e politikës shqiptare, si përfaqësues i Fierit në vitet 1920-1935, intelektual dhe personalitet i spikatur për veprimtari atdhetare e patriotike.

TITUJ EDHE PER DISA EURODEPUTETE

Po ashtu, për mbështetje në proceset e integrimit, Këshilli i Bashkisë së qytetit të Fierit ka akorduar tituj nderi për disa europarlamentarë, të cilët kanë dhënë kontribut në ndërtimin e institucioneve europiane apo edhe në rrugën e procesit integrues të Shqipërisë ne BE.

Ata janë: Miguel Angel Martinez zv/President i Parlamentit Evropian merr titullin “Qytetar Nderi” i qytetit të Fierit,me motivacionin: “Për merita të veçanta dhe ndihmesën e paçmuar në ndërtimin e institucioneve Europiane si dhe transmetimin e vlerave më të mira të civilizimit, lirisë e demokracisë. Për ndihmesën e dhënë Shqipërisë kur ka qenë President i Asamblesë Parlamentare të Këshillit të Europës”.

Eduart Kukan, President i Komisionit për Europën Juglindore merr titullin “ Qytetar Nderi” i qytetit të Fierit me motivacionin “ Për merita të veçanta dhe punën e palodhur në transmetimin e vlerave unike të Europës së Bashkuar në juglindje të kontinentit si dhe ndihmesën e dhënë Shqipërisë në hapat e saj drejt integrimit europian”

Josef Weidenholzer merr titullin “ Qytetar Nderi” i qytetit te Fierit, me motivacionin: “Për merita të veçanta në forcimin e shoqërisë civile europiane në rolin e tij si President i Solidar Internacional, e cila ka dhënë një ndihmesë të madhe në juglindje të Europës, Kosovë e Shqipëri, por edhe në funksionin e tij si eurodeputet, në mbështetje të ëndrrave shqiptare në rrugën e integrimit europian

Së shpejti në Fier, impianti i përpunimit të mbetjeve nga i cili përfitohet energji e rinovueshme

Kryetari i Bashkisë Fier, Baftjar Zeqaj ka pritur sot në një takim përfaqësues të firmës italiane  dhe asaj amerikane,  të cilat po angazhohen për implementimin e  procesit të menaxhimit të mbetjeve urbane nëpërmjet përpunimit për përfitimin e energjisë së rinovueshme. Investitorët amerikanë kanë vlerësuar Fierin si një vend potencial për të gjetur zbatim kjo praktikë, e para në Shqipëri. Sipas prezantimit të bërë nga investitorët, në fushën aktuale të mbetjeve urbane në një hapësirë prej 2 ha, pritet të ndërtohet impianti i përpunimit të mbetjeve, i cili shumë shpejt, përvecëse do të bëjë të mundur përfitimin e energjisë, do t’i sjellë edhe  një ambient më të pastër  edhe qytetit.

“Ne jemi të nderuar që këtë projekt do ta zbatojmë për herë të parë në Fier. Do të ndërtojmë impiantin dhe pastaj gjithcka do të kalojë në disa faza. Qytetarëve nuk do t’u kërkohet që t’i ndajnë mbetjet, pasi vetë ky impiant mundet që t’i ndajë, ndërsa më vonë të gjitha këto mbetje  do të coptohen, do të digjen në temperatura  të larta dhe pas këtij procesi bëhet i mundur përfitimi i energjisë. Lënda që mbetet është në formë të ngurtë, pra inert i vogël që mund të përdoret edhe në shtrimin e  rrugëve. Duam të bëjmëme dije se me më këtë procedurë nuk do të fitojë vetëm Fieri, por gjithë rajoni.”, -kanë thënë përfaqësuesit e firmës investuese.

Kryetari i Bashkisë Fier ka thënë se për të  patur sa më shumë transparencë në këtë proces, do të kërkojë ngritjen e një grupi pune me përfaqësues nga komuniteti, specialistë të mjedisit si dhe specialistë të shëndetësisë.

“Ne i mirëpresim nisma të tilla, por për tëpunuar në mënyrë transparente, do të ngremë një grup pune me specialistët përkatës nga shëndetësia, mjedisi apo edhe qytetarë, të cilët do të jenë të informuar për gjithcka që ndodh”, -ka vijuar ndër të tjera Zeqaj.

Ky proces parashikon transformimin e mbeturinave urbane në një gaz të djegshëm të quajtur Syngas, gazi sindetik, që përbëhet nga monoksid karboni dhe hidrogjen si dhe një masë e ngurtë që në terma teknik quhet char, material që mbetet pas avullimit të gazit të lehtë. Në vetvete kjo masë e ngurtë, pra char-i, është e djegshme në 95% të masës së saj dhe mund të përfitohet energji termike e vazhdueshme. Kujtojmë se ky projekt nuk do të jap impakt pozitiv vetëm në Fier, por në të gjithë rajonin, pasi kapaciteti i impiantit është 10 mijë tonë metrik. Diegia e këtij gazi nuk ka asnjë ndikim mbi ambientin. Kjo ndodh për shkak të diegies së hidrogjenit dhe metanit, i cili krijon gazra, kryesisht të përbëra nga avuj uji. CO2 i çliruar e ka prejardhjen nga përbërësit bioorganik të mbeturinave urbane dhe nuk ka ndikim në shtimin e asaj që  quhet“gas serra”.  Projekti finacohet nga amerikanët, të cilët kanë nënshkruar marrëveshjen me qeverinë shqiptare. Kompania ka marrë po ashtu certifikatën TUV që vërteton se ka garanci që ky proces do të ketë  ndikimin zero  në mjedis.

MBLIDHET KESHILLI I BASHKISE, NDEROHEN EMRAT E PATRIOTEVE E FIRMETAREVE TE PAVARESISE. TITUJ EDHE PER DISA EURODEPUTETE

Në kuadër të 100- vjetorit të Pavarësisë, Këshilli i Bashkisë Fier ka vendosur të nderojë me titullin “Nderi i Qytetit” , disa emra  të njohur, patriotë, kontributorë dhe firmëtarë të Pavarësisë.

Kështu, këshilltarët kanë miratuar t’i  japin   Jani Mingës, titullin  “ Qytetar Nderi”   i qytetit të Fierit,   me motivacionin: “Figurë përfaqësuese, intelektual dhe personalitet  i spikatur  për veprimtari  atdhetare e patriotike,  firmëtar i aktit të shpalljes së Pavarësisë”.

Sami Omer Vrioni merr titullin  “ Qytetar Nderi”   i qytetit të Fierit,   me motivacionin: “Figurë përfaqësuese, intelektual dhe personalitet  i spikatur  për veprimtari  atdhetare e patriotike, delegat i Fierit në Kuvendin e Vlorës. Kryetari i parë i Bashkisë Fier”.

 Hajredin Kahreman Cakrani merr  titullin  “ Qytetar Nderi”   i qytetit të Fierit,   me motivacionin: “Figurë përfaqësuese, intelektual dhe personalitet  i spikatur  për veprimtari  atdhetare e patriotike,  firmëtar i aktit të shpalljes së Pavarësisë.

Kristo Frashëri merr  titullin  “ Qytetar Nderi”   i qytetit të Fierit,   me motivacionin: “Figurë përfaqësuese, intelektual dhe personalitet  i spikatur,  historian dhe dijetar.

Spiro Papa merr titullin  “ Qytetar Nderi”   i qytetit të Fierit,   me motivacionin: “Si figurë qendrore e politikës shqiptare, si përfaqësues i Fierit në vitet 1920-1935,  intelektual dhe personalitet  i spikatur për veprimtari  atdhetare e patriotike.

Po ashtu, për mbështetje në proceset e integrimit, Këshilli i Bashkisë së qytetit të Fierit ka akorduar tituj nderi për disa europarlamentarë, të cilët kanë dhënë kontribut në ndërtimin e institucioneve europiane apo edhe në rrugën e procesit integrues të Shqipërisë ne BE.

    

Ata janë: Miguel Angel Martinez zv/President i Parlamentit Evropian merr  titullin “Qytetar Nderi”   i qytetit të Fierit,   me motivacionin: “Për merita të veçanta dhe ndihmesën e paçmuar në ndërtimin e institucioneve Europiane si dhe transmetimin e vlerave më të mira të civilizimit, lirisë e demokracisë. Për ndihmesën e dhënë Shqipërisë kur ka qenë President i Asamblesë Parlamentare të Këshillit të Europës”.

Eduart Kukan, President i Komisionit për Europën Juglindore merr titullin  “ Qytetar Nderi”   i qytetit të Fierit me motivacionin “ Për merita të veçanta dhe punën e palodhur në transmetimin e vlerave unike të Europës së Bashkuar në juglindje të kontinentit si dhe ndihmesën e dhënë Shqipërisë në hapat e saj drejt integrimit europian”

Josef Ëeidenholzer merr titullin  “ Qytetar Nderi”   i qytetit te Fierit,   me motivacionin: “Për merita të veçanta në forcimin e shoqërisë civile europiane në rolin e tij si President i Solidar Internacional, e cila ka dhënë një ndihmesë të madhe në juglindje të Europës, Kosovë e Shqipëri, por edhe në funksionin e tij si eurodeputet, në mbështetje të ëndrrave shqiptare në rrugën e integrimit europian.

Brunilda Sota (Hoxha), koncert recital në qytetin e lindjes

Pas një pauze të gjatë rreth 20 vjecare këngëtarja fierake Brunilda Sota (Hoxha) i rikthehet skenës së qytetit të vetë, që e rriti dhe ushqeu artistikisht. Për dy net me radhë ajo interpretoi për publikun fierak rreth 28 këngë të ndryshme, të përzgjedhura  posacërisht për këtë publik. Emocionet, vuajtjet e mungesës së gjatë, brengën dhe mallin për vendlindjen, Bruna i prezantoi që në momentin e parë, qëkurëse e titulloi këtë koncert ”Malli për Atdheun”. Koncerti shënoi një sukses të  dukshëm dhe u prit me mjaft ngrohtësi nga publiku që për dy net e ndoqi dhe përcolli me shumë duartrokitje. Vetë Brunilda falënderoi publikun fierak dhe e quajti këtë koncert si një pikë referimi për ta mbajtur atë më afër me publikun  fierak.

GRUPI I DANCIT SPORTIV ”LULËKUQET” I DOREZOJNE KRYEBASHKIAKUT KUPËN E KAMPIONATIT TË 100-VJETORIT

Kryebashkiaku  Baftjar  Zeqaj priti fëmijët e dancit sportiv me drejtuese Nina bano, ndërsa këta të fundit i bënë edhe dorëzimin e kupës. Zeqaj i përgëzoi dhe u shprehu mbështetje morale dhe financiare vogëlushëve talente, për të vazhduar rrugën e bukur të artit. “Është detyra e bashkisë që të krijojë kushte sa më lehtësuese dhe të favorshme për talented  e të gjitha fushave. Fëmijët janë fytyra e ardhshme e shoqërisë, ndaj duhet të investojmë për ta”,-u shpreh ndër të tjera Zeqaj.Prej 4 vjetësh në Akademinë Sportive është ngritur  grupi i dancit sportiv me fëmijë të moshave mbi 6 vjec. Grupi ka thithur fëmijët më të talentuar dhe ka marrë pjesë në shumë aktivitete artistike kombëtare e ndërkombëtare. Krahas sukseseve të shumta në festivalet  e ndryshme lokale për fëmijë,”Lulëkuqet” më 27 tetor 2012 fituan kupën e Kampionatit të Dancit Sportiv, organizuar në Tiranë , me rastin e 100-vjetorit të Pavarësisë. Sipas drejtueses artistike Nina Bano, artistët e vegjël fierakë shkëlqyen në këtë spektakël, duke marrë një nga trofetë më të rëndësishëm  në aktivitetin e tyre 4-vjecar. “Lulekuqet” është një grup që u krijua me dëshirën e fëmijëve dhe prindërve. Ky grup synon të identifikojë dhe ushqejë talentin e fëmijëve. Objektivi ynë është  të përfaqësojmë sa më denjësisht qytetin e Fierit. Të bëjmë që zëri artistik i Fierit të ndihet kudo. Shpresojmë që kupa e Kampinatit të 100 -vjetorit të Pavarësisë t’u paraprijë trofeve të tjerë”,-tha Bano.

FIER: 100 VJETORI I PAVARËSISË,MBILLEN SIMBOLIKISHT 100 PEMË

Në kuadër të nismës për rritjen e sipërfaqes së gjelbëruar, në qytetin e Fierit janë mbjellë 100 pemë, të cilat simbolizojnë 100 vitet, që nga data e shpalljes së Pavarësisë. Kryebashkiaku Baftjar Zeqaj, i cili mbolli pemën e pare u shpreh se projektet e bashkisë nuk shtrihen vetëm në rikonstruksionin e rrugëve, në përmirësimin e infrastrukturës, turizmit dhe sporteve, por edhe në mjedis. Në shtimin e sipërfaqeve të gjelbëruara dhe krijimin e lulishteve dhe parqeve të reja për të gjitha moshat.

“Ambietet e gjelbëruara nuk janë thjeshtë pasqyra estetike e qytetit, por edhe mushkritë natyrale, laboratori filtrues. Ndaj ne do të shfrytëzojmë të gjitha mundësitë dhe hapësirat për shtimin e numrit të pemëve të mbjella dhe mirëmbajtjen e atyre ekzistuese”,-u shpreh Zeqaj.

Sipas tij, mbjellja e këtyre 100 pemëve është pikënisja e projektit për shtimin e sipërfaqeve të gjelbëruara në Fier. Ndërmarrja e Gjelbërimit ka bërë një plan studimi, ku janë pasqyruar të gjitha hapësirat e lira, sheshet para pallateve dhe shtrati i lumit Gjanica, për t’u mbjellë gjatë muajit dhjetor me drurë dekorativ.

“Kemi gjetur edhe firmat dhe bizneset,  të cilat do të kontriubojnë në gjelbërimin e qytetit”,-ka vijuar kryebashkiaku i Fierit.

Agron Jano mes arkitekturës dhe pikturës. Ekspozitë në Fier

Në  kuadër të 100- vjetorit  të Pavarësisë në Galerinë e Arteve në  Fier  u çel ekspozita e radhës.

Piktori  Agron  Jano erdhi në këtë jubile më i plotë e  më optimist me punimet e tij, pas ekspozitës së çelur një vit më parë. Në teknikën e vizatimit dhe grafikës ai solli  peizazhe nga natyra shqiptare dhe jo vetëm.

Pasioni i arkitektit Jano për pikturën ndalet në punët plot ngjyra harmonike e të gëzueshme dhe me shumëllojshmëri motivesh. “Proces” titullohej ekspozita personale e piktorit, e cila përmbante 40 piktura, punime të realizuara kryesisht  vitet e fundit.

“Agroni është një artist i kompletuar. Unë i uroj atij të ketë suksese, jo vetëm në pikturë, por dhe në Arkitekturë. Këtë herë ky autor vjen më i plotë dhe me gjetje të reja në këtë zhanër, shumë shpërthyes e me diapazon krijues, duke treguar se përherë di të sjellë risi”,-ka theksuar ndër të tjera Lena.

Vetë piktori Agron Jano  u shpreh se  në këtë vit jubilar të 100- vjetorit e ndiente të nevojshme  që të jepte kontributin e tij. Ai falenderoi kolegët dhe artdashësit e qytetit të Fierit për pjesëmarrjen,  pasi prezenca e tyre  tregon vlerësim për të dhe artin e tij.

“Jam i nderuar, që në këtë festë të mbarë kombit, të jap një kontribut edhe unë si artist dhe këtë kontribut ta jap në qytetin e Fierit. Kam sjell disa punime, duke e parë të nevojshme të jem edhe unë prezent këtu, me ju. Falenderoj gjithë kolegët, qytetarët artdashës dhe pushtetin vendor që kanë ardhur dhe që më kanë mbështetur në këtë ekspozitë”,-ka thënë ndër të tjera Jano.

Frymëzimet nga vende të bukura e mbresëlënëse, arkitektura e veprave, volumet, ngjyrat plot dritë, gjuha e thjeshtë dekorative, e bëjnë autorin që çdo punim ta shohë si arkitekt dhe si piktor, duke ecur drejt një stili të veçantë.

Pas një sërë suksesesh në ekspozita të ndryshme brenda dhe jashtë vendit, autori ka vendosur të “rrëfehet” me artin e tij çdo vit në qytetin e lindjes, Fier.